مدونتى يامدونتى وحشتينى يامدونتى


مدونتى يامدونتى وحشتينى يامدونتى

وحشتينى يامدونتى ووحشنى كل إللى بيزروها ويسألوا عنى وانا شاكر جدا جدا لكل اللى سال عليا
وخصوصا مى ودهب

احب اطمنكم عليا انى الحمد لله بخير بس والله مافيش اى وقت اقعد فيه على النت خالص من وقت اخر موضوع

وكمان الوقت اللى كتبت فيه البوست دا كانت لحظه واستغلتها انى اطمن فيها عليكم وطمنونى عليكم

والله انا دلوقتى بجهز فى شقه الزوجيه عقبال كلكم اللى لسى ماتجوزش واللى عاوز يتجوز تانى اقولوا كفايه مرة

خلاص فات الكتير وماباقى الا القليل فرحى فى شهر 6 وانا ما بين الشغل بتاعى وشغلى الخارجى وشغل فى شقتى

ويادوب بلحق انام شويه علشان اصحى اروح الشغل الصبح

طمنتكم عليا ويارب تكونوا كلكم بخير وبصحه وسعادة

تحياتى لكم كلكم لكم

وربنا يحبب فيكم خلقه

هناك 27 تعليقًا:

*البت المشمشية *حلوة بس شقية * يقول...

المدونة نورت تانى
والله فينك وفين مواضيعك
انا قولت كدة بردو انك بتجهز شقتك ومش فاضى
يلا محدش بياكلها بلساهل
ربنا معاك وتلحق تخلص ان شاء الله
وسلملى عليها ومليون مبروك

*البت المشمشية *حلوة بس شقية * يقول...

لولولولولولوللولولوى اول تعليق
قصدى اول حجز فى الفرح

شمس النهار يقول...

الف مبروك وبعي لك ربنا معاك ويطرح البركه في وقتك تقدر تخلص كل اللي وراك
وربنا يعينك

aidy يقول...

أهلا بعودة حضرتك


دى اول زيارة ليا هنا

ان شاء الله ازورها تانى لما ينزل موضوع جديد

تحياتى

عمرو يقول...

مبروك و ربنا يتمم بخير و يكون معاك دايما و يساعدك على اللى أنت فيه :)

رؤية يقول...

الف مبروك
وربنا معاك ويقويك

وما تغيبش كتير عن المدونة

منتظرين جديدك

تحياتى

كيــــــــــــارا يقول...

الف الف مبروك وان شاء الله كله هيخلص وتفرح وتكون احلي عريس مع اجمل عروسه في الكون

طوبة ذهب وطوبة فضة يقول...

ربنا يكرمك يا فارس وتكون احسن عريس ويتمم لك على الف خير والحمد لله انك بخير واطمنا عليك سلم لنا على العروسه بقى وربنا يبارك لك فيها اللهم بارك لكما وبارك عليكما ويجمع بينكما فى خير ان شاء الله ويحبب فيك كل خلقه

romansy يقول...

الف الف مبروك يا فارس
ربنا يتمم بخير
ويارب يقويك يارب
انت هتقوللى على شغل الشقه موريانى الويل
الف حمد الله على سلامتك
ويارب دايما تكون بخير

fnoonh يقول...

يااااااااااااااااااااااه

والله زمان زمان قوي
انا بقول المدونة نورت اتاريك رجعت
الحمدلله على السلامة
والف الف الف مبروك يارب يتملك بخير ويجعلها زوجة صالحة تصونك وتطيعك يارب ويرزقك منها بالبنين والبنات يارب

تحياتي
فنونة

ساره يقول...

الله يبارك لكم ويسعدكم
الحمدلله على السلامه يا فارس

ريمان يقول...

حمد الله ع السلاااااااااااااااااااامه


مش تتاخر علينا بقه

مشمشه يقول...

الف مبروك الف مبروك وربنا يكملك على خير يا رب ربنا معاك فى التجهيزات والشغل

smilyrose يقول...

اولا ازيك يا فارس


وربنا يارب يتمم ليك على خير


وتبقى احلى شقة لاحلى عروسة وعريس


وربنا يديم عليكم السعادة يارب


ويجمعنى بمن احب ان كان لنا نصيب


هذا شئ شبه مستحيل لكنه امل

ههههههههههههه


ربنا يوفقك


smilyrose

وردشان

روح الحب الصادق

may يقول...

مبروك فارس وربنا يتمم بخير

وعقبال لما نشوف ولادك يا رب

مى

ملكة بحجابى يقول...

يعنى اول مرة ادخل البيت
الاقى صاحب البيت مش موجود ومعلق بانوه كاتب عليه نأسف لست بالمنزل
لالالالالالالالالالا
لما يجى صاحب البيت يعرف انى سألت عليه ولو هيعزمنا على حاجة عنده ياريت يجى يعرفنا انه نزل توبيك جديد

نرجع لبيتنا بئى دلوقتى
وتقبل مرورى

yoyo يقول...

االف الف مليون مبروك
ربنا يعينك يارب

ربنا يتم عليك بالف خير يارب و يسعدك
يااااااااااااارب
تحياتى
يويو

hager za3bal يقول...

رجعت نورت المدونه من تاني يا فارس :)

عاوزه اقولك ربنا يعينك
ومبروووووووووووووووووووووووك

ربنا يسعدك دايما ويوفقك

تحياتي

MaNoOoSh يقول...

الف مبروك وربنا يتمم بخير ان شاء الله

aidy يقول...

اول زيارة ليا

انا جيت ارد الزيارة

ومنتظرين منك مواضيع جميلة زى اللى قريتها ليك

تحياتى

حتى تشرق الشمس يقول...

السلام عليكم ورحمة الله وبركاتة
ما شاء الله
ربنا يعينك ويديك الصحة والوقت
ويتمم لك على خير
ويسعدك ان شاء الله
دمت بالف خير
يا عررريس

hager za3bal يقول...

بس ايه الغيبه دي

ابقي ادخل طمننا عليك

شمس النهار يقول...

انا بس جيت اطمن عليك واترك سلامي
ودعوه ليك
يارب تكون سعيد
وتكون موفقك وبتخلص كل اللي وراك بهمه ونشاط
اعتقد الفرح كده قرب
ربنا معاك ويبارك لك في وقتك وايامك
ابقا طمني عليك

حتى تشرق الشمس يقول...

السلام عليكم ورحمة الله وبركاتة
الحمد لله على السلامة
الف مبروووووووووووووووووك
ربنا يتمملك بالف خير
دمت فى هنا وسعادة دائما

E73 يقول...

أنا رديت عند حضرتك زماااااااااان مش فاكرة إمتى
ومش فاكرة بمدونتي الجديدة ولا مدونتي ولقبي القديم الزعيمة بمدونة مع نفسي اللي حذفتها وفتحت المدونة الجديدة

حمد لله على السلامة مع ان واضح ان الغياب بتاع حضرتك بقاله 3 شهور

لعل المانع خير

كيــــــــــــارا يقول...

كووووووووووول دا غياب :(

nefertiti يقول...

الف مبروك على الفرح بس واضح ان الجواز خدك من المدونه زى ما انا الدنيا خدتنى فتره طويله من مدونتى برضه :D ربنا يوفقك دايما و نتمتى عودتك