بعد غياب لم يسأل عنه أحد

بعد الغياب إاللى انا غبتوا دا كلو
ا ومافيش حتى شخص واحد من إللى زاروا مدونتى
وسأل عنى هل ممكن أقول إن مدونتى مافيهاش زوار ولا أقول أن مافيش حد
لسى يعرفنى
لكن أنا كنت بدخل المدونات الآخرى وكنت بساهم بتعليقاتى
بما فى المدونين إللى موجودين ولا أى شخص لاحظ غيابى
ياترى هل فى أي حاجه أنا عملتها زعلت حد منى؟؟؟؟!!!!

هناك 21 تعليقًا:

مشمشه يقول...

ازاى بس مين قال انك زعلت حد ومين قالك ان مش فى حد بغيابك اكيد انت موجود دايما فى وسطنا وبيسعدنا تعليقك فى كل مدونه من المدونات بتكلم عن نفسى وعن كل الى اعرفهم بلاش بس تتضايق كده الناس كلها مشاغل ويا ريت مش تنقطع تانى ونشوفك دايما وترجع تدون باسلوبك البسيط الى بيدخل القلب علطول

مدينـة من النسـاء يقول...

ليك حق طبعا تزعل
بس ربك عالم بحال الكل
وأنا عن نفسي مدونتي اتحذفت مني غلط وفيها كل لينكات المدوناتاللي كنت بتابعها
ومدينتى الجديه لسه بحاول استرد جزء من اللي راح

ماتزعلش من أى حد .. وهنا هاتلاقي الكل راجع وبيطمن غيابك كان ليه
وماتفكرش في اللى كان وفكر في اللى منتظرين يقروا منك تاني أحلى كلام

.. تحياتـي ..

hager za3bal يقول...

ليه بس كدا
يعني اول مره ادخل ع المدونه الاقيك زعلان كدا

esraa يقول...

لأ هو أكيد احنا اللي غلطانين

معلش بقي سماح

مولان يقول...

لا انا فعلا لاحظت غيابك وكل ككام يوم بفتح المدونه اقول يمكن يكون الريدر بايظ بس انا مدونتي اتعملها هاك وبعدها عملت مولان وغيبت فتره

واول اما شفت بوست ليك قلت ادخل اكيد هيقول كان فييين


علي فكره انا كيارا

بس ضي القمر راحت زي ماقلتلك

فارس القمر يقول...

مشمشه
انا متشكر جدا على كلامك دا
وان شاء الله مافيش غياب تانى
كل المشوار انها اشغال زى باقى الناس
متشكر جدا وانا مش متضايق خالص
بالعكس
مرورك دا اسعدنى

فارس القمر يقول...

مدينه من النساء
هيا فعلا حاجه تزعل بس انا برضوا
مقدر حال الناس لكن فين اللى قدرونى انا وسالوا عليا
يلا مش مهم المهم انى بخير وبطمنكم عليا
وان شاء الله فيه كل جديد فى المدونه
تحياتى لمرورك الجميل

فارس القمر يقول...

hager za3bl

انتى نورتى المدونه

هيا بس لحظه وعدت وان شاء الله

مش هتشوفيها تانى

فارس القمر يقول...

esraa
اممممممممممممممم
لالاانا مش بقول لحد انوا غلطان
المساله كلها تقدير
واللى يعرف ناس زى المدونين دول اكيد
يعرف ازاى يسامح ومايزعل من حد خالص
شكرا ليكى ونورتينى

فارس القمر يقول...

مولان
الاستاذة كيارا
(وش احمر)
لاحظتى غيابى طيب بلاش تبقى بخيله كدا
ورد واحد اسالى بيه عليا هو انا يعنى ماستاهلش
ماشى ماشى
خسارة ضى القمر تروح كان اسم جميل تتعوض فى مولان

منورة المدونه دايما

طوبة ذهب وطوبة فضة يقول...

اخى العزيز احنا ما نقدرش نزعل منك ابدا ليك حق تزعل فعلا لكن فعلا انا انقطعت فتره وحتى لما رجعت حاولت ادخل ارد عندك فى اخر موضوع بس خفت انك ما تقراش الردويبقى مالهوش اى لزمه لان الموضوع كان قديم اوى و كنت فى غايه الانشغال وحتى دلوقتى بقت ردودى على الموضوعات قليله ومتاخره لكن يعلم الله ان غيابك كان ملحوظ واننا قصرنا فى حقك وياريت تسمحنا اخى العزيز وحمد لله على السلامه وكل سنه وانت طيب

فارس القمر يقول...

اختى الدكتورة

الحمد لله ان مافيش حد زعلان منى

والفترة اللى انتى قطعتيها دى تكون خير

وان شاء الله ترجعى زى الاول واحسن

وانا الحمد لله مش بحب ازعل ابدا من حد

ومتشكر جدا على كلماتك الرقيقه دى

وكل سنه وانتى طيبه وفى اتم صحه

مولان يقول...

لا والله مش خساره فيك الرد انت عارف غلاوتك

بس انا والله كنت في دوامه متبهدله وكان نفسي بجد اتطمن عليك

انا بعترف اني قصرت بس والله كنت بفتح مدونتك اشوف اي حاجه تطمني عليك

ضي القمر اثرت فيا اوي

فارس القمر يقول...

متشكر قوى ياكيارا

وربنا مايحرمناش منك ابدا واللى راح يجى

احسن منوا

ولكل انسان ظروفه الخاصه بيه

ومش مهم المدونه المهم انك بخير

مولان يقول...

ليه نغمه الحزن دي يافارس ؟؟؟؟

ريمان يقول...

فارس

انا والله اول مره ادخل مدونتك وازورها واعرفها

يعنى براءه مش زعلان منى

بس لو غبت تانى اوعدك انى هسال عنك ان شاء الله

مع تحياتى

فارس القمر يقول...

لو مش عجباكى نغيرها

مولان يقول...

تبعا لازم تغيرها وخليها نغمه امل

فارس القمر يقول...

براءة ياريما

وعلى فكرة انا مش زعلان من حد خالص

لانى بجد مش بعرف ازعل من ناس بحبهم

ونورتى المدونه ويارب اشوفك فيها

دايما

جنّي يقول...

السلام عليكم ورحمة الله وبركاته

والله دي اول مرة ازور مدونتك الرومانسية الجميلة ردا على زيارتك الاولى لمدونتي فأكيد الكلام ليس لي ..

على كل مزيد من الصبر واستمر في زيارة المدونات الاخرى وستجني الكثير من الزوار ان شاء الله ..

كل عام وانتم بخير بحلول عيد الأضحى المبارك
كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي

أخوكم سعيد

فارس القمر يقول...

الاخ جنى

اهلا ومرحبا بك فى مدونتى المتواضعه وكل

سنه وحضرتك طيب

انت لو كنت فهمت كلامى كويس كنت فهمت

انا اقصد ايه انا اقصد انى دخلت

مدونات كتير اعتبرتهم اصحاب وناس

وناس عرفتهم وهما عرفوك يعنى لازم تسال

عليهم وهما يسالوا عليك مش مجرد ان

مدونتى تبقى فيها زوار كتبر

هستفاد ايه بالزوار الكتيرة غير لما

يكون عندك ناس تحبهم ويحبوك ويسالوا

عليك

انا اسف طولت عليك فى ردى واتمنى لو

هتدخل تانى وتشوفوا انا كان قصدى ايه